فلم "سردار جی 3” میں ہانیہ عامر کا کردار کیا ہے؟ ناصر چنیوٹی کا انکشاف

مشہور کامیڈین اور اداکار ناصر چنیوٹی نے تصدیق کر دی ہے کہ پاکستانی اداکارہ ہانیہ عامر بھارتی پنجابی فلم سردار جی 3 میں نظر آئیں گی، جس میں دلجیت دوسانجھ بھی مرکزی کردار ادا کر رہے ہیں۔ فلم کے سیٹ سے ایک تصویر وائرل ہونے کے بعد مداحوں میں چہ مگوئیاں شروع ہو گئی تھیں کہ کیا ہانیہ عامر واقعی اس فلم کا حصہ ہیں۔

 ناصر چنیوٹی، جو خود بھی اس فلم میں کام کر رہے ہیں، نے بتایا کہ یہ خبر درست ہے۔ انہوں نے کہا کہ سردار جی 3 جون 2025 میں ریلیز ہوگی اور ہانیہ عامر فلم میں ایک اہم کردار ادا کر رہی ہیں، صرف سائیڈ رول نہیں۔

انہوں نے ہانیہ عامرکو "ہمارے ملک کی سپر اسٹار” قرار دیا اور ان کی پنجابی بولنے کی صلاحیت کی تعریف کرتے ہوئے کہا کہ انہوں نے فلم میں بہت خوبصورتی سے پنجابی زبان بولی ہے۔